ढाक बहिरी आणि ढाक गड ट्रेक

ढाक बहिरी ..हा महाराष्ट्रातील कठीण ट्रेक आहे .हा ट्रेक ज्यांना उंची फोबिया आहे आणि नवशिक्या आहेत त्यांच्यासाठी नाही.ढाक बहिरी हे महाराष्ट्र राज्य रायगड जिल्ह्यात आहे.
या ट्रेकची सुरुवात आम्ही जांभवली, कामशेत येथून केली.

1 महिन्यापासून या ट्रेकचे नियोजन केल्यानंतर..शेवटी या ट्रेकसाठी 5 सदस्य निश्चित झाले.मी,दीपक पाटील,विवेक,रुपेश कुलकर्णी आणि राहुल यांनी 24 नोव्हेंबर 2024 रोजी सकाळी 5 वाजता चिंचवड येथून आमचा प्रवास सुरू केला.
सकाळी 6.30 ला कोंडेश्वर मंदिरात पोहोचलो. आम्ही ट्रेक सुरु केला .कालकराय खिंड पर्यंतची पायवाट सामान्य आहे.मधोमध एक बोर्ड आहे .. ज्यावर नकाशावर सर्व बिंदू आणि मार्ग चिन्हांकित आहेत … त्या फलकापासून दोन मार्ग आहेत … डाव्या बाजूने कालकरय सुळका आणि ढाक बहिरी खिंड आणि उजव्या बाजूने ढाक गाव ते ढाक गड कडे जातात. (ढाक गडावर जाण्यासाठी सोपा मार्ग आहे).
जवळपास सकाळी 8.00 च्या सुमारास आम्ही कलाकरय खिंडीला पोहोचलो .पण मधमाश्या वाटेवर असल्यामुळे जवळपास 30 मिनिटे थांबलो .पण तरीही त्या हटत नाहीत म्हणून आम्ही 8.30 ला सावकाश आणि सावधपणे ट्रेकला सुरुवात केली.
त्यानंतर खरा थरार सुरू होतो..
खिंडीत पोहोचल्यानंतर डावीकडे बहिरी लेण्यांकडे जाण्याचा मार्ग आहे. लेण्यांकडे जाण्यासाठी आम्ही लहान रॉक पॅच साखळीने खाली उतरलो. त्यानंतर वाट खूपच लहान आणि खडतर आहे. पण काही ठिकाणी दोरखंड आहेत. त्यानंतर कातळावर पायऱ्या आहेत. म्हणजे जवळजवळ 85*अंश.
पण तिथे दोर आणि साखळी आहेत.त्या आधारावर आम्ही गुहेतून चढून पोहोचलो.सकाळी ९.३० वाजता आम्ही गुहेत पोहोचलो. (माकडांपासून सावध राहा). तिथे भैरी मंदिर आहे जे स्थानिक लोकांचे दैवत आहे.
गुहा मोठी आहे ,पिण्यायोग्य पाण्याची टाकी आहे .स्वयंपाकासाठी काही भांडी .तेथून आपल्याला मंजुरसुभा ,राजमाची किल्ला दिसतो .थोडा वेळ घालवून आणि काही फोटोशूट करून आम्ही ढाक किल्ल्याचा ट्रेक सुरु केला .त्यासाठी आम्हाला परत जावे लागले पुन्हा कलाकरय खिंड.
उजव्या बाजूला ढाक गड जाण्यासाठी वाट आहे.पण ही वाट अवघड आहे आणि निसरडी .म्हणून आम्ही खूप सावधपणे जायला निघालो.
जवळपास 30 मिनिटांनी आम्ही ढाक गड माथ्यावर पोहोचलो .मध्यभागी साइन बोर्ड आहे ..डाव्या बाजूला एक पॉईंट आहे जिथे आपल्याला जवळपास 9-10 किल्ले दिसतात .उजव्या बाजूने बोर्डवर परत आल्यावर आपण सरळ आणि कोरड्या पाण्याच्या तलावाकडे जातो. .तलाव पाहिल्यानंतर जुनी बहिरी मूर्ती भग्न अवस्थेत आहे.
नंतर काही पाण्याच्या टाक्या दिसल्या, सरळ दार दिसले.धाकगावातून या गडावर येण्याचा मार्ग अहे.
सर्व बघून दुपारी १.३० ला आम्ही गड उतरण्यास सुरुवात केली. निसरड्या वाटेमुळे आम्ही अत्यंत सावधपणे उतरण्यास सुरुवात केली.
दुपारी ३.३० वाजता आम्ही परत कोंडेश्वर मंदिरात पोहोचलो .आणि परतीचा प्रवास सुरु केला.